Car Repair Manuals

Job

Ἰὼβ

Chapter 37

1  καὶ ταύτης ἐταράχθη καρδία μου καὶ ἀπερρύη ἐκ τοῦ τόπου αὐτῆς . 2  ἄκουε ἀκοὴν ἐν ὀργῇ θυμοῦ κυρίου , καὶ μελέτη ἐκ στόματος αὐτοῦ ἐξελεύσεται . 3  ὑποκάτω παντὸς τοῦ οὐρανοῦ ἀρχὴ αὐτοῦ , καὶ τὸ φῶς αὐτοῦ ἐπὶ πτερύγων τῆς γῆς . 4  ὀπίσω αὐτοῦ βοήσεται φωνή βροντήσει ἐν φωνῇ , ὕβρεως αὐτοῦ , καὶ οὐκ ἀνταλλάξει αὐτούς , ὅτι ἀκούσει φωνὴν αὐτοῦ . 5  βροντήσει ἰσχυρὸς ἐν φωνῇ αὐτοῦ θαυμάσια · ἐποίησεν γὰρ μεγάλα , οὐκ ᾖδειμεν , 6  συντάσσων χιόνι Γίνου ἐπὶ τῆς γῆς · καὶ χειμὼν ὑετός , καὶ χειμὼν ὑετῶν δυναστείας αὐτοῦ . 7  ἐν χειρὶ παντὸς ἀνθρώπου κατασφραγίζει , ἵνα γνῷ πᾶς ἄνθρωπος τὴν ἑαυτοῦ ἀσθένειαν . 8  εἰσῆλθεν δὲ θηρία ὑπὸ σκέπην , ἡσύχασαν δὲ ἐπὶ κοίτης . 9  ἐκ ταμιείων ἐπέρχονται δῖναι , ἀπὸ δὲ ἀκρωτηρίων ψῦχος . 10  καὶ ἀπὸ πνοῆς ἰσχυροῦ δώσει πάγος , οἰακίζει δὲ τὸ ; ὕδωρ ὡς ἐὰν βούληται · 11  καὶ ἐκλεκτὸν καταπλάσσει νεφέλη , καταπλάσσει νέφος φῶς αὐτοῦ . 12  καὶ αὐτὸς κυκλώματα διαστρέψει ἐν θεεβουλαθῷ εἰς ἔργα αὐτῶν · πάντα , ὅσα ἂν ἐντείληται αὐτοῖς , ταῦτα συντέτακται παρ᾿ αὐτοῦ ἐπὶ τῆς γῆς , 13  ἐὰν εἰς παιδείαν , ἐὰν εἰς τὴν γῆν αὐτοῦ , ἐὰν εἰς ἔλεος εὑρήσει αὐτόν .

14  ἐνωτίζου ταῦτα , Ιὼβ · στῆθι νουθετοῦ δύναμιν κυρίου . 15  οἴδαμεν ὅτι θεὸς ἔθετο ἔργα αὐτοῦ φῶς ποιήσας ἐκ σκότους . 16  ἐπίσταται δὲ διάκρισιν νεφῶν , ἐξαίσια δὲ πτώματα πονηρῶν . 17  σου δὲ στολὴ θερμή · ἡσυχάζεται δὲ ἐπὶ τῆς γῆς . 18  στερεώσεις μετ᾿ αὐτοῦ εἰς παλαιώματα , ἰσχυραὶ ὡς ὅρασις ἐπιχύσεως . 19  διὰ τί ; δίδαξόν με τί ἐροῦμεν αὐτῷ · καὶ παυσώμεθα πολλὰ λέγοντες . 20  μὴ βίβλος γραμματεύς μοι παρέστηκεν , ἵνα ἄνθρωπον ἑστηκὼς κατασιωπήσω ;

21  πᾶσιν δ᾿ οὐχ ὁρατὸν τὸ φῶς , τηλαυγές ἐστιν ἐν τοῖς παλαιώμασιν , ὥσπερ τὸ παρ᾿ αὐτοῦ ἐπὶ νεφῶν . 22  ἀπὸ βορρᾶ νέφη χρυσαυγοῦντα · ἐπὶ τούτοις μεγάλη δόξα καὶ τιμὴ παντοκράτορος . 23  καὶ οὐχ εὑρίσκομεν ἄλλον ὅμοιον τῇ ἰσχύϊ αὐτοῦ · τὰ δίκαια κρίνων , οὐκ οἴει ἐπακούειν αὐτόν ; 24  διὸ φοβηθήσονται αὐτὸν οἱ ἄνθρωποι , φοβηθήσονται δὲ αὐτὸν καὶ οἱ σοφοὶ καρδίᾳ .




Motor Era Blog

Auto Service Repair Manuals on Motor Era