Car Repair Manuals

Hermas: The Shepherd
Book Two
Mandates or Commandments

Ἐντολὴ

Chapter 8

1  Εἶπόν σοὶ , φησίν , ὅτι τὰ κτίσματα τοῦ θεοῦ διπλᾶ ἐστι · καὶ γὰρ ἐγκράτεια διπλῆ ἐστιν . ἐπί τινων γὰρ δεῖ ἐγκρατεύεσθαι , ἐπί τινων δὲ οὐ δεῖ · 2  γνώρισόν μοι , φημί , κύριε , ἐπὶ τίνων δεῖ ἐγκρατεύεσθαι , ἐπὶ τίνων δὲ οὐ δεῖ . Ἄκουε , φησί , τὸ πονηρὸν ἐγκρατεύου καὶ μὴ ποίει αὐτό · τὸ δὲ ἀγαθὸν μὴ ἐγκρατεύου , ἀλλὰ ποίει αὐτό . ἐὰν γὰρ ἐγκρατεύσῃ τὸ ἀγαθὸν μὴ ποιεῖν , ἁμαρτίαν μεγάλην ἐργάζῃ · ἐὰν δὲ ἐγκρατεύσῃ τὸ πονηρὸν μὴ ποιεῖν , δικαιοσύνην μεγάλην ἐργάζῃ . ἐγκράτευσαι οὖν ἀπὸ πονηρίας πάσης ἐργαζόμενος τὸ ἀγαθόν . 3  Ποταπαί , φημί , κύριε , εἰσὶν αἱ πονηρίαι , Ἀφ᾿ ὧν ἡμᾶς δεῖ ἐγκρατεύεσθαι ; Ἄκουε , φησίν · ἀπὸ μοιχείας καὶ πορνείας , ἀπὸ μεθύσματος ἀνομίας , ἀπὸ τρυφῆς πονηρᾶς , ἀπό ἐδεσμάτων πολλῶν καὶ πολυτελείας πλούτου καὶ καυχήσεως καὶ ὑψηλοφροσύνης καὶ ὑπερηφανίας καὶ ἀπὸ ψεύσματος καὶ καταλαλιᾶς καὶ ὑποκρίσεως , μνησικακίας καὶ πάσης βλασφημίας . 4  ταῦτα τὰ ἔργα πάντων πονηρότατά εἰσιν ἐν τῇ ζωῇ τῶν ἀνθρώπων . ἀπὸ τούτων οὖν τῶν ἔργων δεῖ ἐγκρατεύεσθαι τὸν δοῦλον τοῦ θεοῦ · γὰρ μὴ ἐγκρατευόμενος ἀπὸ τούτων οὐ δύναται ζῆσαι τῷ θεῷ . ἄκουε οὖν καὶ τὰ ἀκόλουθα τούτων , 5  . Ἔτι γάρ , φημί , κύριε , πονηρὰ ἔργα ἐστί ; καί γε πολλά , φησίν , ἔστιν , Ἀφ᾿ ὧν δεῖ τὸν δοῦλον τοῦ θεοῦ ἐγκρατεύεσθαι · κλέμμα , ψεῦδος , ἀποστέρησις , ψευδομαρτυρία , πλεονεξία , ἐπιθυμία πονηρά , ἀπάτη , κενοδοξία , ἀλαζονεία καὶ ὅσα τούτοις ὅμοιά εἰσιν . 6  οὐ δοκεῖ σοὶ ταῦτα πονηρὰ εἶναι ; καὶ λίαν πονηρά , φημί , τοῖς δούλοις τοῦ θεοῦ . τούτων πάντων δεῖ ἐγκρατεύεσθαι τὸ δουλεύοντα τῷ θεῷ καὶ ἐγγραφήσῃ μετὰ τῶν ἐγκρατευομένων αὐτά . ὧν μὲν οὖν δεῖ σὲ ἐγκρατευεσθαι , ταῦτά ἐστιν . 7  δὲ δεῖ σὲ μὴ ἐγκρατεύεσθαι , φησίν , ἀλλὰ ποιεῖν , ἄκουε . τὸ ἀγαθὸν μὴ ἐγκρατεύου , ἀλλὰ ποίει αὐτό . 8  Καὶ τῶν ἀγαθῶν μοι , φημί , κύριε , δήλωσον τὴν δύναμιν , ἵνα πορπορευθῶ ἐν αὐτοῖς καὶ δουλεύσω αὐτοῖς , ἵνα ἐργασάμενος αὐτὰ δυνηθῶ σωθῆναι . Ἄκουε , φησί , καὶ τῶν ἀγαθῶν τὰ ἔργα , σὲ δεῖ ἐργάζεσθαι καὶ μὴ ἐγκρατεύεσθαι . 9  πρῶτον πάντων πίστις , φόβος κυρίου , ἀγάπη , ὁμόνοια , ῥήματα δικαιοσύνης , ἀλήθεια , ὑπομονή · τούτων ἀγαθώτερον οὐδέν ἐστιν ἐν τῇ ζωῇ τῶν ἀνθρώπων . ταῦτα ἐὰν τις φυλάσσῃ καὶ μὴ ἐγκρατεύηται ἀπ᾿ αὐτῶν , μακάριος γίνεται ἐν τῇ ζωῇ αὐτοῦ . 10  εἶτα τούτων τὰ ἀκόλουθα ἄκουσον · χήραις ὑπηρετεῖν , ὀρφανοὺς καὶ ὑστερουμένους ἐπισκέπτεσθαι , ἐξ ἀναγκῶν λυτροῦσθαι τοὺς δούλους τοῦ θεοῦ , φιλόξενον εἶναι ( ἐν γὰρ τῇ φιλοξενίᾳ εὑρίσκεται ἀγαθοποίησίς ποτε ) , μηδενὶ ἀντιτάσσεσθαι , ἡσύχιον εἶναι , ἐνδεέστερον γίνεσθαι πάντων ἀνθρώπων , πρεσβύτας σέβεσθαι , δικαιοσύνην ἀσκεῖν , ἀδελφότητα συντηρεῖν , ὕβριν ὑποφέρειν , μακρόθυμον εἶναι , μνησικακίαν μὴ ἔχειν , κάμνοντας τῇ ψυχῇ παρακαλεῖν , ἐσκανδαλισμένους ἀπὸ τῆς πίστεως μὴ ἀποβάλλεσθαι , ἀλλ᾿ ἐπιστρέφειν καὶ εὐθύμους ποιεῖν , ἁμαρτάνοντας νουθετεῖν , χρεώστας μὴ θλίβειν καὶ ἐνδεεῖς , καὶ εἴ τινα τούτοις ὅμοιά ἐστι . 11  δοκεῖ σοὶ , φησί , ταῦτα ἀγαθὰ εἶναι ; Τί γάρ , φημί , κύριε , τούτων ἀγαθώτερον ; Πορεύου οὖν , φησίν , ἐν αὐτοῖς καὶ μὴ ἐγκρατεύου ἀπ᾿ αὐτῶν , καὶ ζήσῃ τῷ θεῷ · 12  φύλασσε οὖν τὴν ἐντολὴν ταύτην · ἐὰν τὸ ἀγαθὸν ποιῇς καὶ μὴ ἐγκρατεύσῃ ἀπ᾿ αὐτοῦ , ζήσῃ τῷ θεῷ , καὶ πάντες ζήσονται τῷ θεῷ οἱ οὕτω ποιοῦντες . καὶ πάλιν ἐὰν τὸ πονηρὸν μὴ ποιῇς καὶ ἐγκρατεύσῃ ἀπ᾿ αὐτοῦ , ζήσῃ τῷ θεῷ , καὶ πάντες ζήσονται τῷ θεῷ , ὅσοι ἐὰν ταύτας τὰς ἐντολὰς φυλάξωσι καὶ πορπορευθῶσιν ἐν αὐταῖς .




Motor Era Blog

Auto Service Repair Manuals on Motor Era