I Chronicles

Παραλειπομένων Α'

Chapter 7

1  Καὶ τοῖς υἱοῖς Ἰσσαχάρ· Θωλὰ καὶ Φουὰ καὶ Ἰασοὺβ καὶ Σεμερών, τέσσαρες. 2  καὶ υἱοὶ Θωλά· Ὀζὶ καὶ Ῥαφαία καὶ Ἰεριὴλ καὶ Ἰεμοὺ καὶ Ἰεβασὰμ καὶ Σαμουήλ, ἄρχοντες οἴκων πατριῶν αὐτῶν τῷ Θωλὰ ἰσχυροὶ δυνάμει κατὰ γενέσεις αὐτῶν. ἀριθμὸς αὐτῶν ἐν ἡμέραις Δαυὶδ εἴκοσι καὶ δύο χιλιάδες καὶ ἑξακόσιοι. 3  καὶ υἱοὶ Ὀζί· Ἰεζρία, καὶ υἱοὶ Ἰεζρία· Μιχαὴλ καὶ Ὀβδία καὶ Ἰωὴλ καὶ Ἰεσία, πέντε, ἄρχοντες πάντες. 4  καὶ ἐπ᾿ αὐτῶν κατὰ γενέσεις αὐτῶν κατ᾿ οἴκους πατρικοὺς αὐτῶν ἰσχυροὶ παρατάξασθαι εἰς πόλεμον τριάκοντα καὶ ἓξ χιλιάδες, ὅτι ἐπλήθυναν γυναῖκας καὶ υἱούς. 5  καὶ ἀδελφοὶ αὐτῶν εἰς πάσας πατριὰς Ἰσσαχὰρ ἰσχυροὶ δυνάμει ὀγδοήκοντα καὶ ἑπτὰ χιλιάδες, ἀριθμὸς αὐτῶν τῶν πάντων.

6  Βενιαμίν· Βαλὲ καὶ Βαχὶρ καὶ Ἰαδιήλ, τρεῖς. 7  καὶ υἱοὶ Βαλέ· Ἀσεβὼν καὶ Ὀζὶ καὶ Ὀζιὴλ καὶ Ἰεριμὼθ καὶ Οὐρί, πέντε, ἄρχοντες οἴκων πατρικῶν ἰσχυροὶ δυνάμει. καὶ ἀριθμὸς αὐτῶν εἴκοσι καὶ δύο χιλιάδες καὶ τριάκοντα τέσσαρες. 8  καὶ υἱοὶ Βαχίρ· Ζαμαρίας καὶ Ἰωὰς καὶ Ἐλιέζερ καὶ Ἐλιθενὰν καὶ Ἀμαρία καὶ Ἰεριμὼθ καὶ Ἀβιοὺ καὶ Ἀναθὼθ καὶ Γεμεέθ. πάντες οὗτοι υἱοὶ Βαχίρ. 9  καὶ ἀριθμὸς αὐτῶν κατὰ γενέσεις αὐτῶν, ἄρχοντες οἴκων πατριῶν αὐτῶν ἰσχυροὶ δυνάμει, εἴκοσι χιλιάδες καὶ διακόσιοι. 10  καὶ υἱοὶ Ἰαδιήλ· Βαλαάν. καὶ υἱοὶ Βαλαάν· Ἰαοὺς καὶ Βενιαμὶν καὶ Ἀὼθ καὶ Χανανὰ καὶ Ζαιθὰν καὶ Ῥαμεσσαὶ καὶ Ἀχισαάρ. 11  πάντες οὗτοι υἱοὶ Ἰαδιὴλ ἄρχοντες τῶν πατριῶν ἰσχυροὶ δυνάμει ἑπτακαίδεκα χιλιάδες καὶ διακόσιοι ἐκπορευόμενοι δυνάμει τοῦ πολεμεῖν. 12  καὶ Σαπφὶν καὶ Ἀπφὶν καὶ υἱοὶ Ῥαώμ· υἱὸς αὐτοῦ Ἀέρ.

13  Υἱοὶ Νεφθαλί· Ἰασιὴλ καὶ Γωνὶ καὶ Ἰσσιὴρ καὶ Σαλώμ, υἱοὶ Βαλαά.

14  Υἱοὶ Μανασσῆ· Ἀσεριήλ, ὃν ἔτεκεν παλλακὴ αὐτοῦ Σύρα· ἔτεκεν τὸν Μαχὶρ πατέρα Γαλαάδ. 15  καὶ Μαχὶρ ἔλαβεν γυναῖκα τῷ Ἀμφὶν καὶ Μαμφίν· καὶ ὄνομα ἀδελφῆς αὐτοῦ Μοωχά. καὶ ὄνομα τῷ δευτέρῳ Σαλπαάδ, καὶ ἐγεννήθησαν τῷ Σαλπαὰδ θυγατέρες. 16  καὶ ἔτεκεν Μοωχὰ γυνὴ Μαχὶρ υἱὸν καὶ ἐκάλεσεν τὸ ὄνομα αὐτοῦ Φαρές, καὶ ὄνομα ἀδελφοῦ αὐτοῦ Σορός· υἱὸς αὐτοῦ Ὀυλάμ. 17  καὶ υἱοὶ Ὀυλάμ· Βαδάν. οὗτοι υἱοὶ Γαλαὰδ υἱοῦ Μαχὶρ υἱοῦ Μανασσῆ. 18  καὶ ἀδελφὴ αὐτοῦ Μαλεχὲθ ἔτεκεν τὸν Ἰσαδὲκ καὶ τὸν Αβιεζὲρ καὶ τὸν Μαελά. 19  καὶ ἦσαν υἱοὶ Σεμιρά· Ἰααὶμ καὶ Συχὲμ καὶ Λακεῒ καὶ Ἀνιάμ.

20  Καὶ υἱοὶ Ἐφραίμ· Σωθαλά, καὶ Βαράδ υἱὸς αὐτοῦ, καὶ Θαὰθ υἱὸς αὐτοῦ, Ἐλεαδὰ υἱὸς αὐτοῦ, Νομεὲ υἱὸς αὐτοῦ, 21  Ζαβὲδ υἱὸς αὐτοῦ, Σωθελὲ υἱὸς αὐτοῦ καὶ Ἐζὲρ καὶ Ἐλεάδ. καὶ ἀπέκτειναν αὐτοὺς ἄνδρες Γὲθ οἱ τεχθέντες ἐν τῇ γῇ, ὅτι κατέβησαν λαβεῖν τὰ κτήνη αὐτῶν. 22  καὶ ἐπένθησεν Ἐφραὶμ πατὴρ αὐτῶν ἡμέρας πολλάς, καὶ ἦλθον ἀδελφοὶ αὐτοῦ τοῦ παρακαλέσαι αὐτόν. 23  καὶ εἰσῆλθεν πρὸς τὴν γυναῖκα αὐτοῦ, καὶ ἔλαβεν ἐν γαστρὶ καὶ ἔτεκεν υἱόν, καὶ ἐκάλεσεν τὸ ὄνομα αὐτοῦ Βαραγά, ὅτι ἐν κακοῖς ἐγένετο ἐν οἴκῳ μου. 24  καὶ ἐν ἐκείνοις τοῖς καταλοίποις καὶ ᾠκοδόμησεν Βαιθωρὼν τὴν κάτω καὶ τὴν ἄνω. καὶ υἱοὶ Ὀζάν· Σεηρὰ 25  καὶ Ῥαφὴ υἱοὶ αὐτοῦ, Ῥασὲφ καὶ Θαλὲ υἱοὶ αὐτοῦ, Θαὲν υἱὸς αὐτοῦ. 26  τῷ Λααδὰν υἱῷ αὐτοῦ Ἀμιοὺδ υἱὸς αὐτοῦ, Ἐλισαμὰ υἱὸς αὐτοῦ, 27  Νοὺμ υἱὸς αὐτοῦ, Ἰησουὲ υἱὸς αὐτοῦ. 28  καὶ κατάσχεσις αὐτῶν καὶ κατοικία αὐτῶν· Βαιθὴλ καὶ αἱ κῶμαι αὐτῆς, κατ᾿ ἀνατολὰς Νααράν, πρὸς δυσμαῖς Γαζὲρ καὶ αἱ κῶμαι αὐτῆς· καὶ Συχὲμ καὶ αἱ κῶμαι αὐτῆς ἕως Γαιὰν καὶ αἱ κῶμαι αὐτῆς. 29  καὶ ἕως ὁρίων υἱῶν Μανασσῆ· Βαιθσαὰν καὶ αἱ κῶμαι αὐτῆς, Θαανὰχ καὶ αἱ κῶμαι αὐτῆς καὶ Βαλὰδ καὶ αἱ κῶμαι αὐτῆς, Μαγεδδὼ καὶ αἱ κῶμαι αὐτῆς, Δὼρ καὶ αἱ κῶμαι αὐτῆς. ἐν ταύταις κατῴκησαν οἱ υἱοὶ Ἰωσὴφ υἱοῦ Ἰσραήλ.

30  Υἱοὶ Ἀσήρ· Ἰεμνὰ καὶ Ἰσουὰ καὶ Ἰσουὶ καὶ Βεριγά, καὶ Σορὲ ἀδελφὴ αὐτῶν. 31  καὶ υἱοὶ Βεριγά· Χαβὲρ καὶ Μελχιὴλ οὗτος πατὴρ Βερζαίθ. 32  καὶ Χαβὲρ ἐγέννησεν τὸν Ἰαφαλὴτ καὶ τὸν Σαμὴρ καὶ τὸν Χωθὰμ καὶ τὴν Σωλὰ ἀδελφὴν αὐτῶν. 33  καὶ υἱοὶ Ἰαφαλήτ· Φεσηχί, Βαμαὴλ καὶ Ἀσίθ· οὗτοι υἱοὶ Ἰαφαλήτ. 34  καὶ υἱοὶ Σεμμήρ· Ἀχιουραογὰ καὶ Ὀβὰ καὶ Ἀρὰμ 35  καὶ Βανηελάμ· ἀδελφοὶ αὐτοῦ Σωφὰ καὶ Ἰμανὰ καὶ Σελλὴς καὶ Ἀμάλ. 36  υἱοὶ Σωφὰ Χουχί, Ἀρναφὰρ καὶ Σουὰλ καὶ Βαρὶ καὶ Ἰμαρή, 37  Σοβὰλ καὶ Ὄδ καὶ Σεμμὰ καὶ Σαλισὰ καὶ Ἰεθρὰν καὶ Βεηρά. 38  καὶ υἱοὶ Ἰεθέρ· Ἰφινὰ καὶ Φασφὰ καὶ Ἀρά. 39  καὶ υἱοὶ Ὠλά· Ὀρέχ, Ἀνιὴλ καὶ Ῥασία. 40  πάντες οὗτοι υἱοὶ Ἀσήρ, πάντες ἄρχοντες πατριῶν ἐκλεκτοὶ ἰσχυροὶ δυνάμει, ἄρχοντες ἡγούμενοι· ἀριθμὸς αὐτῶν εἰς παράταξιν τοῦ πολεμεῖν, ἀριθμὸς αὐτῶν ἄνδρες εἴκοσι ἓξ χιλιάδες.




Motor Era Blog

Auto Service Repair Manuals on Motor Era