1 Οὐδέν μοι ὠφελήσει τὰ πέρατα τοῦ κόσμου οὐδὲ αἱ βασιλεῖαι τοῦ αἰῶνος τούτου . καλόν μοι ἀποθανεῖν εἰς Χριστὸν Ἰησοῦν , ἢ βασιλεύειν τῶν περάτων τῆς γῆς . ἐκεῖνον ζητῶ , τὸν ὑπὲρ ἡμῶν ἀποθανόντα · ἐκεῖνον θέλω , τὸν δι᾿ ἡμᾶς ἀναστάντα . ὁ δὲ τοκετός μοι ἐπίκειται .
2 Σύγγηωτέ μοι , ἀδελφοί · μὴ ἐμποδίσητέ μοι ζῆσαι , μὴ θελήσητέ με ἀποθανεῖν · τὸν τοῦ θεοῦ θέλοντα εἶναι κόσμῳ μὴ χαρίσησθε , μηδὲ ὕλῃ ἐξαπατήσητε · ἄφετέ με καθαρὸν φῶς λαβεῖν · ἐκεῖ παραγενόμενος ἄνθρωπος ἔσομαι . 3 ἐπιτρέψατέ μοι μιμητὴν εἶναι τοῦ πάθους τοῦ θεοῦ μου . εἴ τις αὐτὸν ἐν ἑαυτῷ ἔχει , νοησάτω ὃ θέλω , καὶ συμπαθείτω μοι εἰδὼς τὰ συνέχοντά με .