1 Οὐκέτι θέλω κατὰ ἀνθρώπους ζῆν . τοῦτο δέ ἔσται , ἐὰν ὑμεῖς θελήσητε . θελήσατε , ἵνα καὶ ὑμεῖς θεληθῆτε . 2 δι᾿ ὀλίγων γραμμάτων αἰτοῦμαι ὑμᾶς · πιστεύσατέ μοι . Ἰησοῦς δὲ Χριστὸς ὑμῖν ταῦτα φανερώσει , ὅτι ἀληθῶς λέγων · τὸ ἀψευδὲς στόμα , ἐν ᾧ ὁ πατὴρ ἐλάλησεν ἀληθῶς . 3 αἰτήσασθε περὶ ἐμοῦ , ἵνα ἐπιτύχω . οὐ κατὰ σάρκα ὑμῖν ἔγραψα , ἀλλὰ κατὰ γνώμην θεοῦ . ἐὰν πάθω , ἠθελήσατε · ἐὰν ἀποδοκιμασθῶ , ἐμισήσατε .
