1 Οὐδέποτε ἐβασκάνατε οὐδενί , ἄλλους ἐδιδάξατε . ἐγὼ δὲ θέλω , ἵνα κἀκεῖνα βέβαια ᾖ ἃ μαθητεύοντες ἐντέλλεσθε . 2 μόνον μοι δύναμιν αἰτεῖσθε ἔσωθέν τε καὶ ἔξωθεν , ἵνα μὴ μόνον λέγω ἀλλὰ καὶ θέλω , ἵνα μὴ μόνον λέγωμαι Χριστιανὸς ἀλλὰ καὶ εὑρεθῶ . ἐὰν γὰρ εὑρεθῶ , καὶ λέγεσθαι δύναμαι , καὶ τότε πιστὸς εἶναι , ὅταν κόσμῳ μὴ φαίνωμαι . 3 οὐδὲν φαινόμενον καλόν · ὁ γὰρ θεὸς ἡμῶν Ἰησοῦς Χριστὸς ἐν πατρὶ ὢν μᾶλλον φαίνεται . οὐ περσμονῆς τὸ ἔργον , ἀλλὰ μεγέθους ἐστὶν ὁ Χριστιανισμός , ὅταν μισῆται ὑπὸ κόσμου .