1 Φεύγετε οὖν τὰς κακὰς παραφυάδας τὰς γεννώσας καρπὸν θανατηφόρον , οὗ ἐὰν γεύσηταί τις , παρ᾿ αὐτὰ ἀποθνήσκει . οὗτοι γὰρ οὔκ εἰσιν φυτεία πατρός . 2 εἰ γὰρ ἦσαν , ἐφαίνοντο ἄν κλάδοι τοῦ σταυροῦ , καὶ ἦν ἄν ὁ καρπὸς αὐτῶν ἄφθαρτος · δι᾿ οὗ ἐν τῷ πάθει αὐτοῦ προσκαλεῖται ὑμᾶς ὄντας μέλη αὐτοῦ . οὐ δύναται οὖν κεφαλὴ χωρὶς γεννηθῆναι ἄνευ μελῶν , τοῦ θεοῦ ἕνωσιν ἐπαγγελλομένου , ὅ ἐστιν αὐτός .