1 Πάντες τῷ ἐπισκόπῳ ἀκολουθεῖτε , ὡς Ἰησοῦς Χριστὸς τῷ πατρί , καὶ τῷ πρεσβυτερἰῳ ὡς τοῖς ἀποστόλοις . τοὺς δὲ διακόνους ἐντρέπεσθε ὡς θεοῦ ἐντολήν . μηδεὶς χωρὶς τοῦ ἐπισκόπου τι πρασσέτω τῶν ἀνηκόντων εἰς τὴν ἐκκλησίαν . ἐκείνη βεβαία εὐχαριστία ἡγείσθω , ἡ ὑπὸ ἐπίσκοπον οὖσα ἢ ᾧ ἄν αὐτὸς ἐπιτρέψῃ . 2 ὅπου ἄν φανῇ ὁ ἐπίσκοπος , ἐκεῖ τὸ πλῆθος ἤτω , ὥσπερ ὅπου ἄν ᾖ Ἰησοῦς Χριστός , ἐκεῖ ἡ καθολικὴ ἐκκλησία . οὐκ ἐξόν ἐστιν χωρὶς τοῦ ἐπισκόπου οὔτε βαπτίζειν οὔτε ἀγάπην ποιεῖν · ἀλλ᾿ ὃ ἄν ἐκεῖνος δοκιμάσῃ , τοῦτο καὶ τῷ θεῷ εὐάρεστον , ἵνα ἀσφαλὲς ᾖ καὶ βέβαιον πᾶν ὃ πράσσετε .
