1 Οἱ δοκοῦντες ἀξιόπιστοι εἶναι καὶ ἑτεροδιδασκαλοῦντες μή σὲ καταπλησσέτωσαν . στῆθι ἑδραῖος ὡς ἄκμων τυπτόμενος . μεγάλου ἐστιν ἀθλητοῦ τὸ δέρεσθαι καὶ νικᾶν . μάλιστα δὲ ἕνεκεν θεοῦ πάντα ὑπομένειν ἡμᾶς δεῖ , ἵνα καὶ αὐτὸς ἡμᾶς ὑπομείνῃ . 2 πλέον σπουδαῖος γίνου οὗ εἶ . τοὺς καιροὺς καταμάνθανε . τὸν ὑπὲρ καιρὸν προσδόκα , τὸν ἄχρονον , τὸν ἀόρατον , τὸν δι᾿ ἡμᾶς ὁρατόν , τὸν ἀψηλάφητον , τὸν ἀπαθῆ , τὸν δι᾿ ἡμᾶς παθητόν , τὸν κατὰ πάντα τρόπον δι᾿ ἡμᾶς ὑπομείναντα .
